වවුනතිව් බෝධීන් වහන්සේ කපා දැමීමට තීන්දු කරයි!

වව්නතිවු ප්‍රාදේශීය ලේකම් කොට්ඨාශයට අයත් වව්නතිවු – කොක්කඩිචෝල මාර්ගයේ පිහිටා ඇති වැඳුම් පිදුම් ලබන බෝධීන් වහන්සේ මේ වන විට එම ස්ථානයෙන් ඉවත් කිරීමේ තත්ත්වයක් උද්ගත වී ඇති බව මඩකලපුව, මංගලාරාමාධිපති පූජ්‍ය අම්පිටියේ සුමනරතන හිිමිපාණන් වහන්සේ පවසා සිටී. මේ සම්බන්ධයෙන් වගකිව යුතු සියළු පාර්ශවයන් දැනුවත් කර ඇතත් මේ වන තෙක් කිසිදු සුභධායි ප්‍රතිචාරයක් ලැබී නැත. මේ සම්බන්ධයෙන් කිහිප අවස්ථාවක වගකිව යුතු පාර්ශවයන් දැනුවත් කරන්නට යෙදුනත් නිසි පියවරක් ගෙන නොමැත. මිනීමරු කොටි ත්‍රස්තයන්ගෙන් මුදාගත් මෙම ප්‍රෙද්ශය අවට බහුතරයක් සිටින්නේ බෞද්ධ නොවන පිරිස් බැවින් බෝධීන් වහන්සේ ඉවත් කිරීමට වැඩි අනුබලයක් එයින් ලැබී තිබේ. කෙසේ වෙතත් මෙම පූජනීය ස්ථානය ආරක්ෂා කර ගැනීම සඳහා දිවයින පුරා තිබෙන බෞද්ධ සංවිධාන හා බහුතර බෞද්ධයන්ගේ මැදිහත් වීම සිදුකර දෙන ලෙස උන්වහන්සේ ඉල්ලා සිටී.