ඇමැතිවරයකුගේ විදුලි බිල එක්ලක්‍ෂ විසිදහසයි: එයා ගෙවන්නේ 1000යි: ඉතිරි ටික අපෙන් තමයි

එක්තරා ඇමැතිවරයකුගේ විදුලි බිල එක්ලක්‍ෂ විසිදාහයි. ඇමැතිට ගෙවන්න වෙන්නෙ දාහක් පමණයි. ඉතිරිවා ගෙවන්නේ මේ රටේ අහිංසක මිනිස්සු.

ඒ නිසා මේ රට ගමන් කරමින් තිබෙන දිසාව පිළිබඳ රටේ ජනතාවට සන්තෝෂ වෙන්න බැහැ. ආණ්ඩුවට ඡන්දය දුන් ජනතාව දැන් ඉන්නෙ පසුතැවීමෙන්. ආණ්ඩුව, පළාත් සභා, ප්‍රාදේශීය සභා ජනතාවගේ බලාපොරොත්තු ඉටුකරල නැහැ. දැන් බලාගෙන යනකොට ජනතාව ඡන්දය දීල තියෙන්නෙ සල්ලාලයන්ට, ස්ත්‍රී දූෂකයන්ට, මිනීමරුවන්ට, කප්පම්කරුවන්ට, කැලෑ පාළුවන්ට සහ මැරයන්ටයි. රැවටීමේ තරම දැන් ජනතාව තේරුම් අරගෙනයි තියෙන්නේ. ජ.වි.පෙ. ප්‍රධාන ලේකම් ටිල්වින් සිල්වා මහතා මේ බව ප්‍රකාශ කළේ පසුගියදා අත්තනගල්ල එල්ලක්කල පැවැති ජනහමුවකදීය.

මේ රටේ ජනතාවට හොඳ දේවල්, නරක දේවල් හොඳට තේරුම් ගන්න පුළුවන්. බේත් ගන්න යන්නේ හොඳම ‍ෙදාස්තර ළඟට. ළමය ටියුෂන් යවන්නේ හොඳම ගුරුවරය ළඟට. කඩේට ගිහිල්ල බඩුමුට්ටු ගන්නේ හොඳට තෝරල බේරල. ඒ අවබෝධය අපේ ජනතාවට තියෙනවා. නමුත් වටිනාම කටයුත්තක් වන ඡන්දය දීමේදී පරණ පුරුද්දට ඡන්දය දමනවා. පස්සේ පසුතැවෙනවා. ජනතාව හොඳට හිතල බලල හොඳ අරමුණකින් ඡන්දය පාවිච්චි කරන්න ඕනෑ කාලය දැන් එළැඹිලා තියෙනවා. නොවටිනා කරුණුවලට ඡන්දය පාවිච්චි කරන්න එපා. එළැඹෙන ඡන්දයේදී දේශපාලකයන් තමන්ගේ දූ දරුවො මැතිවරණයට ඉදිරිපත් කරනවා. නිළියො එන්නෙ පෝලිමේ. නිළියන්ට ඡන්දය දීමෙන් වැඩක් නැති බව ඉන්න නිළියන්ගෙන් තේරෙනවා.

රට දැවැන්ත පිරිහීමකට පත්වෙලා. දේශපාලනය මුදල් හම්බ කරන ව්‍යාපාර බවට පත්කරගෙන. රටේ නීතියක් නැහැ. ස්ත්‍රී දූෂකයෝ, කුඩුකාරයො රටේ හැමතැනකම. ඩී.අයි.ජී.ලා මිනී මරනවා. අල්ලස් ගන්නවා. ඕ.අයි.සී. මහත්වරු කුඩු බෙදාහරිනවා. අල්ලස් කොමිසමේ ලොක්කා අල්ලස් ගන්නවා. රටේ ආශ්චර්ය මේකද? මේ රටේ සමස්ත හර පද්ධතියම විනාශ වෙලා.

http://www.mawbima.lk/

Read More

පොට්ටු අම්මාන්ගේ ගෝලයන් ගැන ඔත්තුවක් දුන්නොත් ලක්ෂ 10ක්

එල්.ටී.ටී.ඊ. සංවිධානයේ හිටපු බුද්ධි අංශ නායක පොට්ටුඅම්මාන්ගේ ගෝලයන් දෙදෙනකු වන ගෝපී සහ නවනීදන් අප්පන් අත්අඩංගුවට ගැනීම සඳහා පොලිසියේ අවශ්‍යතා මත උතුරේ සීමිත ක්‍රියාන්විත ක්‍රියාත්මක කරන බව යුද හමුදාව පවසයි. හමුදා මාධ්‍ය ප්‍රකාශක බි්‍රගේඩියර් රුවන් විජේසූරිය මහතා සඳහන් කෙළේ එම සැකකරුවන් දෙදෙනා සැඟවී සිටින බවට ලැබෙන රහසිගත තොරතුරු මත හමුදා සහාය මත එම ක්‍රියාන්විත සිදුකරන බවයි.

එම සැකකරුවන් දෙදෙනා අත්අඩංගුවට ගැනීමට හැකිවන පරිදි රහසිගත තොරතුරක් ලබාදෙන පුද්ගලයන්ට රුපියල් ලක්‍ෂ 10ක ත්‍යාග මුදලක් පිරිනැමීමට පොලිසිය තීරණය කොට ඇතැයි පොලිස් මාධ්‍ය ප්‍රකාශක ජේ‍යෂ්ඨ පොලිස් අධිකාරි අජිත් රෝහණ මහතා පැවැසීය.

පොලිස් මාධ්‍ය ප්‍රකාශකවරයා සඳහන් කෙළේ ගෝපී හෙවත් කාසියන් නමින් හඳුන්වන පුද්ගලයා උස අඩි 6ක් හා තලෙළු සිරුරක් ඇත්තකු බවයි. මොහුගේ මුහුණේ වම්පස තොලට උඩින් කැපුම් තුවාල කැළලක්ද ඇති බවයි.

නවරත්නම් නවනීදන් හෙවත් අප්පන් නමින් හඳුන්වන සැකකරු අඩි 5යි අඟල් 7ක් උසැති තලෙළු සිරුරක් ඇත්තකු බවද පොලිස් මාධ්‍ය ප්‍රකාශකවරයා පැවැසීය. එම පුද්ගලයන් පිළිබඳ තොරතුරක් ලදහොත් දුරකතන අංක 011-2451636 හෝ ෆැක්ස් අංක 011-2321838 වෙත දැනුම් දෙන ලෙස පොලිසිය මහජනයාගෙන් ඉල්ලීමක්ද කර ඇත. මේ සැකකරුවන් සෙවීම සඳහා වවුනියාව, මුලතිව්, කිලිනොච්චි ප්‍රදේශවල හමුදා මෙහෙයුමක් ක්‍රියාත්මක කොට තිබේ. තොරතුරු ලබාදෙන්නාගේ අනන්‍යතාව ආරක්‍ෂා කරන බවද පොලිස් මූලස්ථානය පවසයි.

මේ අතර එම සැකකරුවන් දෙදෙනා පිළිබඳ

පරීක්‍ෂණ පවත්වන උසස් පොලිස් නිලධාරියකු සඳහන් කෙළේ මේ සැකකරුවන් දෙදෙනා පසුගිය යුද සමයේ ආරක්‍ෂක හමුදාවලට හසුනොවී සැඟවී සිටි දෙදෙනකු බව හෙළිවී ඇති බවයි.

මීට සති කීපයකට පෙර යාපනය පලෙයි ප්‍රදේශයේදී රාජ්‍ය විරෝධී පෝස්ටර් ව්‍යාපාරයක් ගෙන ගිය පුද්ගලයන් කීපදෙනකු ත්‍රස්ත විමර්ශන අංශය විසින් අත්අඩංගුවට ගැනීමෙන් පසු කරන ලද ප්‍රශ්න කිරීම්වලදී මේ සැකකරුවන් දෙදෙනා ගෙන යන රාජ්‍ය විරෝධී ක්‍රියා පද්ධතිය අන්තර්ජාතිකය දක්වා රහසිගතව පැතිරීගොස් ඇති අන්දම ගැන තොරතුරු හෙළිදරව් වී තිබේ.

එල්.ටී.ටී.ඊ. ත්‍රස්තවාදී ව්‍යාපාරයේ සිටි බුද්ධි අංශ නායකයකු වන පොට්ටුඅම්මාන්ගේ ප්‍රධාන ගෝලයන් දෙදෙනකු වන මේ සැකකරුවන් පසුගියදා කිලිනොච්චි ධර්මපුරම් ප්‍රදේශයේදී උප පොලිස් පරීක්‍ෂකවරයකුට වෙඩි තබා තුවාල සිදුකිරීමේ සිද්ධියට පොලිසියට අවශ්‍යව සිටින දෙදෙනකු බවද එම උසස් පොලිස් නිලධාරියා පැවැසීය.

http://www.mawbima.lk/

Read More

දෙමළ සන්ධානය තහනම් කරන්න

දෙමළ සන්ධානය තහනම් කරන්න

බෙදුම්වාදයේ දෙවැනි ඉනිමේ නායකත්වය ගෙන සිටින විග්නේශ්වරන් ප්‍රභාකරන්ට වඩා භයානක සීතල ගමනක් යමින් සිටින බැවින් දෙමළ ජාතික සන්ධානය තහනම් කොට නාසිවාදය පරාජය කළ යුතු යැයි ජාතික හෙළ උරුමයේ ප්‍රචාරක ලේකම් නිශාන්ත ශ්‍රී වර්ණසිංහ මහතා පවසයි. 'ජිනීවා අභියෝගය ජයගන්නා මඟ' යනුවෙන් වර්ණසිංහ මහතා ඉදිරිපත් කළ 18 වැදෑරුම් වැඩපිළිවෙළ එළිදැක්වීම පිණිස කොළඹ පදනම් ආයතනයේදී පසුගියදා (21දා) විශේෂ මාධ්‍ය හමුවක් පැවැත්විය.

රාවණා බලය සංවිධානයේ අක්මීමන දයාරතන හිමි ඇතුළු මහා සංඝයා වහන්සේද ජාතික හෙළ උරුමය නායක ඇමැති පාඨලී චම්පික රණවක මහතා ඇතුළු පිරිසක් මේ අවස්ථාවට එක්වූහ.

වර්ණසිංහ මහතා මෙසේද කීවේය.

පශ්චාත් බෙදුම්වාදයේ දෙවැනි ඉනිමේ නායකත්වය ගෙන සිටින විග්නේශ්වරන් අපි දකින්නේ ප්‍රභාකරන්ටත් වඩා භයානක මිනිසකු ලෙසයි. ඔහු ආයුධ අතින් ගෙන නැහැ. එහෙත් සීතල යුද්ධය ආරම්භ කර තිබෙනවා. ඔහු මෙරට ජනතාවට එරෙහි ලෝක ජනමතය ගොඩනඟනවා.

අපි දන්නවා යුක්රේන ජනරජයෙන් ක්‍රිමියාව වෙන් වුණා. ජනමත විමසුමක් ඊට යොදා ගත්තා. විග්නේශ්වරන් එවැනි ගමනකට ඉව අල්ලනවා. ළඟදීම ස්කොට්ලන්තයත් එලෙස වෙන්වීමට ජනමතය විමසනවා. මේකට අන්තර්ජාතික උදවු තියෙනවා. නෙදියවන්, විනයාගමූර්ති නෝර්වේවල සිට ලංකාවට විරුද්ධව ක්‍රියා කරනවා. එම්මානුවෙල් පියතුමා ලංකාවේ සිට ක්‍රියාත්මක වන අන්දම පසුගියදා හෙළි වුණා. ඇඩෙලා බාලසිංහම් යුරෝපය පුරා මතය ගොඩනඟමින් ඉන්නවා. මේ සියලු බලවේග එකම අරමුණක සිටිනවා.

http://www.mawbima.lk/

Read More

මල්වතු-අස්ගිරි මහා නාහිමිවරු මහින්ද-ජී.එල්. කැඳවති

මල්වතු-අස්ගිරි මහා නාහිමිවරු මහින්ද-ජී.එල්. කැඳවති

ශ්‍රී ලංකාව සම්බන්ධයෙන් එක්සත් ජාතීන්ගේ ජිනීවා මානව හිමිකම් සමුළුවේදී ඉදිරිපත් කිරීමට අපේක්ෂිත යෝජනා පිළිබඳ මහා සංඝරත්නය නිසියාකාරව දැනුම්වත් කිරීමට ජිනීවා කටයුතුවලට නිරන්තරයෙන් සම්බන්ධවන විදේශ කටයුතු ඇමැති ජී.එල්. පීරිස් සහ වැවිලි කර්මාන්ත ඇමැති මහින්ද සමරසිංහ මහත්වරුන් සමඟ සාකච්ඡා කිරීමට අවස්ථාවක් සලසා දෙන්නැයි මල්වතු-අස්ගිරි මහා නාහිමිවරු ජනාධිපති මහින්ද රාජපක්ෂ මහතාගෙන් ඉල්ලීමක් කරති. මල්වතු මහ නාහිමි අතිපූජ්‍ය තිබ්බටුවාවේ ශ්‍රී සුමංගල සහ අස්ගිරි මහ නාහිමි අතිපූජ්‍ය උඩුගම ශ්‍රී බුද්ධරක්ඛිත හිමිවරුන් වහන්සේගේ අස්සනින් ජනාධිපති වෙත යවන ලිපියෙන් ඉල්ලා තිබෙන්නේ මහනුවර ශ්‍රී දළදා මාලිගාවේ රැස්වීම් ශාලාවේදී එම සාකච්ඡාව මාර්තු 24 වැනි දින පස්වරු 4ට හෝ 26 වැනි දින පෙරවරු 9ට හෝ එම ඇමැතිවරුන් සමඟ පැවැත්වීමට අවස්ථාව සලසාදීම පිණිස විශේෂ අවධානය යොමුකරන ලෙසයි.

මහ නාහිමිවරුන් වහන්සේගේ ඉල්ලීමට අනුව ජී.එල්. පීරිස් හා මහින්ද සමරසිංහ ඇමැතිවරුන් අද (24දා) මහනුවරට පැමිණීමට නියමිත බව මහනුවර දිසා ශාසනාරක්ෂක බලමණ්ඩලයේ ගරු සභාපති අස්ගිරි මහා විහාර කාරක සංඝ සභික පූජ්‍ය මැදගම ධම්මානන්ද හිමියෝ පැවැසූහ.

මහා සංඝරත්නය දැනුම්වත් කිරීමේ වැඩසටහන අද පස්වරු 4ට ශ්‍රී දළදා මාලිගා රන් ආයුධ මණ්ඩපයේදී මල්වතු-අස්ගිරි මහ නාහිමිවරුන් වහන්සේ ප්‍රධානත්වයෙන් පැවැත්වීමට කටයුතු යොදා තිබෙන බවද ධම්මානන්ද හිමියෝ 'මව්බිම'ට පැවැසූහ.

මල්වතු-අස්ගිරි මහ නාහිමියන් වහන්සේ ජනාධිපතිවරයා වෙත මාර්තු 21 දාතමින් යැවූ ලිපිය මෙසේය.

අතිගරු ජනාධිපතිතුමනි,

ශ්‍රී ලංකාව සම්බන්ධයෙන් එක්සත් ජාතීන්ගේ 'ජිනීවා මානව හිමිකම් සමුළුවේදී' ඉදිරිපත් කිරීමට අපේක්ෂිත යෝජනා පිළිබඳ දැනුම්වත් වීම.

ශ්‍රී ලංකාද්වීපය වනාහි බුදුදහමෙන් පෝෂණය ලැබූ බෞද්ධ සාරධර්මයන්ගෙන් හා මානව ධර්මයන්ගෙන් හැදුණු වැඩුණු ජනතාවක් වෙසෙන ප්‍රජාතන්ත්‍රවාදී රාජ්‍යයකි. අප රටේ දීර්ඝ ඉතිහාසයක් පුරා විවිධ ජාතීන් හා ආගමිකයන් එක්ව නොගැටී, නොබෙදී වාසය කළ අතර, ඔවුන් අතර සමඟිය සමාදානය මැනවින් පැවතිණි. එහෙත් දෙස්-විදෙස් බලලෝභී පිරිසක් විසින් අප රටේ අසමඟියත්, අසමාදානයත් වැපිරීමේ ප්‍රතිඵලයක් වශයෙන් කුරිරු විනාශකාරී යුද්ධයකට රටේ සියලුම ජනතාවට එකසේ මුහුණදීමට සිදුවිය. තිස්වසරක් පුරා පැවැති ඒ බිහිසුණු ත්‍රස්තවාදී ව්‍යසනය මඟහරවා රටේ යළි සමඟිය සමාදානය මෙන්ම සංවර්ධනය එකසේ ඇතිවෙමින් පවත්නා අවස්ථාවක, ඇතැම් බටහිර බලවතුන් හා මෙරට බලලෝභී ඇතැම් පිරිස් විසින් යළිත් වරක් අප රට ප්‍රපාතයකට ඇද දැමීමට කටයුතු කරමින් සිටිනු දක්නට ලැබීම බලවත් කනගාටුවට කරුණකි.

මෙහි එක් පියවරක් වශයෙන් 'ජනීවා මානව හිමිකම් සමුළුව' වෙත ශ්‍රී ලංකා විරෝධී යෝජනාවලියක් ඉදිරිපත් කිරීමට කටයුතු කිරීම අප රට යළි පරිහානිය වෙත ඇද දැමීමට යත්න දැරීමක් ලෙස පෙන්වා දිය හැකිය. මෙසේ ජිනීවා සමුළුව වෙත යළිත් වරක් සිරිලක ශාසනික, ජාතික, ආගමික, සමාජයීය හා සංස්කෘතික සංහිඳියාව මහත් ප්‍රපාතයකට ඇද දැමීමට යත්න දැරීම මහාසංඝරත්නය ලෙස අපට සතුටු විය නොහැකි තත්ත්වයකි.

අතිගරු ජනාධිපතිතුමනි,

ඉතිහාසය පුරා ශ්‍රී ලංකාවේ ජාතික, ආගමික හා සංස්කෘතික වශයෙන් මතුවන ගැටලුසහගත අවස්ථාවන්වලදී ඒවා සමනය කර ගැනීමට අවශ්‍ය අනුශාසනා හා මාර්ගෝපදේශනය ලබාදීමේ ඓතිහාසික උරුමය පැවරී පැවැතියේ මල්වතු-අස්ගිරි උභය මහාවිහාරයේ මහා සංඝරත්නය වෙතය. මේ ඓතිහාසික උරුමය අනුව දැනට විවිධ ජනමාධ්‍ය ඔස්සේ මේ ගැටලු සම්බන්ධයෙන් මතුවන පරස්පර විරෝධී අදහස් සම්බන්ධයෙන් නිසි අවබෝධය ලබා මල්වතු-අස්ගිරි උභය මහා විහාරයන්හි විංශද්වර්ගික කාරක සංඝ සභාවෙහි මහා සංඝරත්නය දැනුම්වත් කොට, එමඟින් අප රටේ බෞද්ධ ජනතාවට මේ ගැටලුවල යථා තත්ත්වය අවබෝධ කරදී, අප රටේ ස්වාධිපත්‍ය සම්බන්ධයෙන් ඇතිවෙමින් පවතින ගැටලු නිරාකරණය කර ගැනීමට අවශ්‍ය දැනුම හා අවබෝධය ලබා දීමට මහා සංඝරත්නයට එමඟින් අවස්ථාව සැලෙසනු ඇතැයි විශ්වාස කරමු.

මේ සඳහා ජිනීවා සමුළුවේ කටයුතුවලට නිරන්තරයෙන් සම්බන්ධ වන විදේශ කටයුතු අමාත්‍ය ජී.එල්. පීරිස් මැතිතුමා හා වැවිලි කර්මාන්ත අමාත්‍ය මහින්ද සමරසිංහ මැතිතුමා සමඟ මහනුවර ශ්‍රී දළදා මාලිගාවේ රැස්වීම් ශාලාවේදී මාර්තු මස 24 වැනි දින පස්වරු 4ට හෝ 26 වැනි දින පෙරවරු 9ට විශේෂ සාකච්ඡාවක් පැවැත්වීමට අවස්ථාව සලසාදීම පිණිස ඔබතුමාගේ විශේෂ අවධානය යොමුකොට, ඒ සඳහා අවශ්‍ය පියවර සලසා දෙන ලෙස කරුණාධ්‍යාශයෙන් ඉල්ලා සිටුම්හ. තෙරුවන් සරණයි.

http://www.mawbima.lk/

Read More

තුන්නානේ සටන දේශපාලන කල්ලියක වැඩක් නොවේ. ඒ පොදු ජන සටනක්

හංවැල්ල තුන්තානේ රබර් කර්මාන්ත ශාලාවට එරෙහිව තුන්නාන ප්‍රදේශවාසීන් ගෙන ගිය විරෝධතාව තුළ කිසිදු දේශපාලන අරමුණක් නොවුණ අතර, එය පැහැදිලිවම ප්‍රදේශවාසීන්ට බලපාන කාරණාවක් වෙනුවෙන් ශ්‍රී. ල.නි.ප, ජ.වි.පෙ , එ.ජා.ප යන පක්ෂ භේදයකින් තොරව ගම්වැසි සියලු දෙනා ඒකරාශී වී ගෙන ගිය පොදු සටනක් වූ බවත් ශිෂ්ට සමාජයක තමන්ගේ එදිනෙදා ජනජීවිතයට බලපාන කාරණා සම්බන්ධයෙන් ප්‍රජාතන්ත්‍රීයව විරෝධය දැක්වීමේ අයිතියක් පවතින බවත් එක්සත් ජාතික පක්ෂය නිවේදනයක් නිකුත් කරමින් කියා සිටී.

මෙම සිදුවීමේදී බොරැල්ල පොලිස් ස්ථානාධිපතිවරය‍ාගේ ජීවිතය අහිමිවීම ගැන සදහන් කරන එම නිවේදනය, එම නිලධාරියාට අදාළ රාජකාරිය සදහා යෑමට නියෝග කළේ කව්රුන්ද, ඒ කුමන පදනමක් මත දැයි සොයා බැලිය යුතු බවද අවධාරණය කරයි.

එම නිවේදනය මෙසේය. 

වැලිවේරිය, රතුපස්වල ප්‍රදේශයේ මීට මාස කිහිපයකට පෙර සිදු වූ සිදුවීමට හැමඅතින්ම සමාන සිදුවීමක් හංවැල්ල, තුන්නාන ප්‍රදේශයේ ප්‍රතිනිර්මාණය වී තිබේ. සහතිකවම මේ සිදුවීම් දෙක අතර බොහෝ සමානතා පවතී. රතුපස්වල දී පිරිසිදු පානීය ජලය ඉල්ලා ප්‍රදේශවාසීන් උද්ඝෝෂණය කළාක් මෙන්ම තුන්නාන ප්‍රදේශයේ ජනතාව උද්ඝෝෂණය කළේ ද, රබර් කර්මාන්ත ශාලාවකින් පිටවන විෂ රසායාන ද්‍රව්‍ය නිසාවෙන් ළිං ජලය භාවිතයට ගත නොහැකි බව කියමිනි. අනෙක් අතට මේ සිදුවීම් දෙකෙහිදිම ඇගිල්ල දිගු වී තිබුණේ එකම සමාගමකට වීම තවත් විශේෂත්වයකි. 

එම රබර් කර්මාන්ත ශාලාවට එරෙහිව තුන්නාන ප්‍රදේශවාසීන් ගෙන ගිය විරෝධතාව තුළ කිසිදු දේශපාලන අරමුණක් නොවුණ අතර, එය පැහැදිලිවම ප්‍රදේශවාසීන්ට බලපාන කාරණාවක් වෙනුවෙන් ගෙන ගිය පොදු සටනක් විය. පොදුවේ සියලු දෙනාට බලපාන කාරණාවක් වූ නිසාවෙන් ඊට ශ්‍රී. ල.නි.ප, ජ.වි.පෙ , එ.ජා.ප යන පක්ෂ භේදයකින් තොරව ගම්වැසි සියලු දෙනා ඒකරාශී වී සිටියහ. 

ශිෂ්ට සමාජයක තමන්ගේ එදිනෙදා ජනජීවිතයට බලපාන කාරණා සම්බන්ධයෙන් ප්‍රජාතන්ත්‍රීයව විරෝධය දැක්වීමේ අයිතියක් පවතී. තුන්නාන ප්‍රදේශවාසීන් කළේ තමන් සතු ඒ අයිතිය ක්‍රියාවට නැංවීම පමණි. කොළඹින් විශාල පොලිස් බල ඇණියක් රැගෙනවිත් විසඳිය යුතු තරම් මහා යුද්ධයක් එහි නොවීය. යම් උණුසුම්කාරී තත්ත්වයක් තිබුණේ නම් එය අවට පොලිස් ස්ථාන වලට පහසුවෙන් පාලනය කිරීමේ හැකියාව තිබුණි. එබදු වටපිටාවක ප්‍රදේශයෙන් පරිබාහිර පොලිස් ස්ථානවලින් විශාල පොලිස් බලඇණි එම ප්‍රදේශයට කැඳවමින් කළ අමනෝඥ මෝඩ තීරණයේ ප්‍රතිඵලය වූයේ මේ ප්‍රශ්නය තවත් සංකීර්ණය වීම හා වටිනා මිනිස් ජීවිතයක් විනාශ වීම පමණි. 

මේ අවාසනාවන්ත සිදුවීම නිසාවෙන් ශ්‍රී ලංකා පොලිසියට ඉතාමත් දක්ෂ නිලධාරියෙකු අහිමි වුවා පමණක් නොව, දයාබර බිරිඳකට සෙනෙහෙබර සැමියෙකු අහිමි විය. දරුවන් දෙදෙනෙකුට ආදරණීය පියෙකු අහිමි විය. මෙහිදී මතුවන ගැටලුව වනුයේ මෙම වටිනා මිනිස් ජිවිතය අහිමි වීමට වගකිව යුත්තේ කවුරුන්ද යන්න පිළිබදවය. 

මෙම අවාසනාවන්ත සිදුවීම නිසාවෙන් මිය ගිය ප්‍රසාද් සිරිවර්ධන මහතා රාජකාරී කටයුතු කළේ බොරැල්ල පොලිස් ස්ථානයේ ස්ථානාධිපතිවරයා ලෙසය. බොරැල්ල මැතිවරණ කොට්ඨාශයට සම්බන්ධ මැතිවරණයක් මේ මොහොතේ ක්‍රියාත්මක වෙමින් ඇති පසුබිමක අදාළ පොලිස් වසමේ ප්‍රධානියා ලෙස ඔහුට වෙනත් ප්‍රදේශයක රාජකාරීය සදහා පිටත්වීමට අණ ලැබුණේ කාගෙන් ද හා ඒ කුමන පදනමක් මත ද යන සාධාරණ ප්‍රශ්නය මේ මොහොතේ පැන නගී. පොලිස්පතිවරයා එවැනි අණක් ඔහුට නිකුත් කළේ ද නොඑසේනම්, මෙවැනි සිදුවීම්වලදී නිතරම මාධ්‍ය හමුවේ පෙනි සිටින බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පතිවරයා එවැනි නියෝගයක් නිකුත් කළේ ද යන්න සම්බන්ධව වහා සොයා බැලීමක් කළ යුතු බව එක්සත් ජාතික පක්ෂයේ ස්ථාවරයයි. 

නමුත් ගැටලුව වන්නේ එවැනි පරීක්ෂණයක්, සොයා බැලීමක් හෝ සිදු කිරීමට මේ රජය සූදානම් ද යන්නය. වැලිවේරිය, රතුපස්වල ප්‍රදේශයේ සිදු වූ ඒ අවාසනාවන්ත සිදුවීම හා සම්බන්ධ කිසි‍ම පුද්ගලයෙකු මේ වන තෙක් හදුනා ගෙන හා ප්‍රසිද්ධ කර නොමැති තත්ත්වයක් තුළ ඊට වඩා වෙනස්ව ගිය අහිංසක හැසිරීමක් මෙහිදී කිසිසේත්ම අපට අපේක්ෂා කළ නොහැකිය. 

රටේ ඕනෑම ප්‍රදේශයක සාධාරණ මහජන නැගිටීමක් සිදු වූ වහාම පොලිසිය විශාල වශයෙන් එම ප්‍රදේශයට පිටත් කර යවමින් එය මර්දනය කිරීම මහින්ද රාජපක්ෂ පාලනයේ විලාසිතාව වී තිබේ. සාකච්ඡාවෙන්, සම්මුතියෙන් පහසුවෙන් විසදිය හැකි ප්‍රශ්න පවා සිවිල් බලහත්කාරය උපයෝගී කරගනිමින් මර්දනය කිරිම රජයේ උපාය මාර්ගය වී ඇත. එසේ කටයුතු කරමින් තම දේශපාලන ගජ මිතුරන්ගේ පැවැත්ම හා ඔවුන්ගේ ආරක්ෂාව, සුරක්ෂිතතාව වෙනුවෙන් රටේ සාමාන්‍ය ජනතාවගේ ජීවිත වුවද බිලි ගැනීමට තමන් සූදානමින් සිටින බව මේ රජය පසුගිය කාලයේ අවස්ථා කිහිපයක දී ම පෙන්වා ඇත. 

ඒ හරහා තමන්ගේ දේශපාලන ගජමිතුරන්ව තාවකාලිකව බේරා ගැනීමට හැකි වුවත් සමස්තයක් ලෙස මෙවැනි සිදුවීම්, රටට ගෙන එනුයේ පැහැදිලි අනර්ථයකි. ජිනිවාහි දැන් පැවැත්වෙන මානව හිමිකම් සැසිය තුළ ශ්‍රී ලංකාව ප්‍රධාන මාතෘකාවක් වී ඇති පසුබිමක සිදුවන මෙවැනි සිදුවිම්වලින් පෙනී යනුයේ මේ රටේ නිතියේ පාලනය බිඳ වැටී ඇති තරමය. පැහැදිලිවම අද වන විට නීතිය ක්‍රියාත්මක වනුයේ රජයට හා ඔවුන්ගේ ගජ මිතුරන්ට අවශ්‍ය ආකාරයටය. වැලිවේරිය රතුපස්වල දී මෙන්ම හංවැල්ල තුන්නානේ දී ද සිදු වූයේ එයයි.

 වැලිවේරිය, රතුපස්වල සිදුවීමෙන් පාඩම් ඉගෙන ගෙන නොමැති බව හා එසේ ඉගෙන ගැනීමට සූදානම් නොමැති බව රජය යළි තුන්නානේ දී පෙන්වා දී තිබේ. යමක් ඉගෙන ගැනීමේ අවශ්‍යතාවයක් ඇත්නම් එහි දී පළමුව සත්‍යයට ඉඩ දිය යුතුය. එය පිළිගත යුතුය. නමුත් ඒ වෙනුවට මේ රජය උත්සාහ කරමින් සිටිනුයේ සත්‍යය වසන් කර බොරුව සමාජගත කිරිමටය. 

අවසාන විග්‍රහයේ දී, මේ සිදුවීම යළි යළිත් පෙන්නුම් කළේ ජනතා ප්‍රශ්න විසදීම සම්බන්ධයෙන් ඇති මේ රජයේ නොහැකියාවය. ඒ වෙනුවෙන් කිසිදු හැකියාවක්, විනයක් හා කළමනාකාරීත්වයක් මේ වැඩ බැරි, අකාර්යක්ෂම රජයට නොමැති බව මේ සිදුවීම යළිත් ප්‍රදර්ශනය කළේය. දිගින් දිගටම සෑම කාරණාවක් සම්බන්ධයෙන්ම සිදුවන මේ තත්ත්වය පිළිබඳ, ජනතාව වඩාත් බුද්ධිමත්ව කල්පනා කර බැලීම වැදගත් වනුයේ එවැනි පසුබිමකය. 

රතුපස්වලදී පමණක් නොව තුන්නානේ දී ත් ආණ්ඩුව පෙන්වා දී ඇත්තේ තමන්ගේ ගජ මිතුරන් ආරක්ෂා කරලීම සඳහා ජනතාව පමණක් නොව පොලිසිය පවා බිලි දීමට තමන් සුදානම් බවය. 

2014 මාර්තු 17

http://sinhala.theindependent.lk/

Read More

ජනාධිපති වෙනුවෙන් ජනතාව විදුලි පු‍ටුවට යන්න සූදානම් - රෝහිත අබේගුණවර්ධන

ලොකු සේවයක් කරපු ජනාධිපතිතුමාව විදුලි පුටුවේ තියන්න අද සමහරුන් උත්සාහ කරනවා. එහෙම කරන්ඩ එතුමා මොන වරදක් කරලාද? රටත් ජනතාවත් කොටි ත්‍රස්තවාදීන්ගෙන් බේරා ගැනීම වරදක්ද? නමුත් මේ රටේ කෘතගුණ සලකන ජනතාව ජනාධිපතිතුමා වෙනුවෙන් විදුලි පුටුවට යන්ඩ වුණත් ලෑස්තියි යනුවෙන් වරාය මාර්ග සංවර්ධන හා නාවික කටයුතු පිළිබඳ අමාත්‍ය රෝහිත අබේගුණවර්ධන මහතා වත්තලදී පැවැසීය.

මහින්ද රාජපක්ෂ මැතිතුමාට එදා පක්ෂය තුළ අභියෝග තිබුණා. එතුමා මේ රටේ ජනාධිපති වෙනවා දකින්නට අකැමැති පිරිසකුත් එදා පක්ෂය තුළ හිටියා. නමුත් රටේත් අපේත් වාසනාවට එතුමා ජනාධිපති ධුරයට පත්වුණා.

අපි ගමන් බිමන් ගියේ මොන තරම් බයෙන්ද? චෙක් පොයින්ට් මොනතරම් තිබුණාද? හැඳුනුම්පත් පරීක්ෂා කරන්න මොනතරම් වෙලාවක් පෝලිම්වල ඉන්න සිද්ධ වුණාද? බැරි වෙලාවත් ද්‍රවිඩ ජාතිකයෙක් පෝලිමේ හිටියා නම් මොන තරම් අපහසුවකට පත්වෙන්න සිද්ධ වුණාද?

මීළඟ ජිනීවා සමුළුවේදී ශ්‍රී ලංකාවට එරෙහිව යෝජනාවක් ගෙන ඒමටත් ඇමෙරිකාව සුදානම් වෙනවා. ඔබාමාට අවශ්‍ය වෙලා තියෙන්නේ කොන්ද පණ නැති නායකයෙක් ලංකාවේ ජනාධිපති කරලා ඇමෙරිකාවට ඕනෑ විදියට අපිව නටවන්නයි. බස්නාහිර සහ දකුණු පළාත් සභා දෙක ඉතා ඉහළින් ජයග්‍රහණය කරවා පෙන්වීමෙන් ඇමෙරිකාවට හොඳ පිළිතුරක් දෙන්න අපට පුළුවන්.

http://sinhala.theindependent.lk/

Read More

ජවිපෙ නායක අනුර දිසානායක සමග මව්බිම සිදුකළ සංවාදය

අනුර දිසානායක සහෝදරයා හැටියටයි ඔබව රට හඳුන්වන්නේ. හොඳයි අපි ඔබේ ගමෙන්ම පටන් ගනිමු?

මගේ උපන්ගම ගලේවෙල දේවහුව.

මාතලේ දිස්ත්‍රික්කයේ?

ඔව්. ඒ වුණත් බොහොම වියළි දේශගුණය තියෙන පළාතක්.

ඔබේ පියා?

කම්කරුවෙක්. නම ඩී.එම්. රත්නසිරි.

මව?

මගේ මව සාමාන්‍ය ගැමි කාන්තාවක්. නම සීලවතී.

ඔබේ ගෙවල් තිබුණෙ දේවහුව ජලාශය කිට්ටුවද?

මගේ උපන් ගම දේවහුව වුණාට අවුරුදු 4ක් විතර වයසෙදි කැකිරාව කිට්ටුව ආඬියාගල කියන ගමේ පදිංචියට ගියා.

ඔබ පාසල් ගියේ කොහෙද?

1972දී  අපේ පවුලේ අය තඹුත්තේගම මහවැලි එච් කලාපෙ පදිංචි වුණා.

කවුද පවුලේ හිටියේ?

අම්මත්, තාත්තත්, අක්කත්, මමත්.

එතැනින් එහාට පාසල් ජීවිතය?

මගේ පාසල් ජීවිතය සම්පූර්ණයෙන්ම තඹුත්තේගම ගාමිණී  විද්‍යාලයට සීමා වුණා. අපි තමයි ගාමිණී විද්‍යාලෙ අන්තිම 10 පන්තියේ ළමයි.

ඇයි ඔබ එහෙම කියන්නේ?

අපි 10 වසරට යද්දී තඹුත්තේගම ගාමිණී විද්‍යාලය ප්‍රාථමික විද්‍යාලයක් කළා. තඹුත්තේගම  මධ්‍ය මහා විද්‍යාලයක් ඇති කළා. මම උසස් පෙළ විභාගය කළේ ඒ මධ්‍ය මහා විද්‍යාලයෙන්.

ඔබ සෙන්ට්‍රල් එකේ පළමු ඒ ලෙවල් ශිෂ්‍ය කණ්ඩායමේ?

ඔව්. ගාමිණී විද්‍යාලෙ අවසාන ඕ ලේවල් කණ්ඩායමත් මධ්‍ය විද්‍යාලෙ පළමු ඒ ලෙවල් ශිෂ්‍ය කණ්ඩායමත් මා නියෝජනය කළා.

උසස් පෙළ ඔබේ විෂය ධාරාව?

විද්‍යා ගණිතය විෂයයන් කළේ. සාමාන්‍යයෙන් ගාමිණී විද්‍යාලයේ විද්‍යා විෂයයන් කරන ළමයි අනුරාධපුර පාසලකට යෑම සිරිතක් වශයෙන් පැවතියා. නමුත් තඹුත්තේගම මධ්‍ය මහා විද්‍යාලය ආරම්භ කිරීමෙන් පස්සේ එලෙස යෑම වැළැක්වුවා. නමුත් මුදල් තිබෙන පවුල් කීපයක ළමයි පාසලෙන් ඉවත්ව ගියා. අපිට එහෙම යන්න තත්ත්වයක් තිබුණේ නැහැ. අපි මධ්‍ය මහා විද්‍යාලෙම උසස් පෙළ විභාගය කළා පළමු ශිෂ්‍ය කණ්ඩායම හැටියට.

ගණිතය උසස් පෙළට කරන්න මධ්‍ය විද්‍යාලෙ පහසුකම් තිබුණද?

නැහැ. පහසුකම් තිබුණේ නැහැ. සමහර ගුරුවරු අපට කිව්වා ඔයගොල්ලො මේ ඉස්කෝලේ විද්‍යාව කරන්න හිතන්න එපා, ඔයාලව ගන්නේ පරීක්ෂණවලට ගන්න ගෙම්බො වගේ අත්හදා බැලීමක් කරන්න. ඒකට අහුවෙන්න එපා කියලා.

ඒත් ඔබ ඇතුළු ළමයි කීපදෙනා විද්‍යා අංශයෙන් උසස් පෙළ කළා?

ඔව්... සාමාන්‍ය පෙළ ඉතා හොඳ ප්‍රතිඵල ගත් දක්ෂ ළමයි හිටියා.

සයන්ස් පන්තිවලට ගුරුවරු හිටියේ නැද්ද?

ගුරුවරු හිටියේ නැහැ. එක ටීචර් කෙනෙක් පමණයි විද්‍යා ගණිත විෂයයන්වලට හිටියේ. ඇය විශාල උනන්දුවකින් අපට ඉගැන්නුවා. මඟ පෙන්නුවා. එතුමියගේ නම කේ. ශාමිනී. පසුගිය කාලෙ හොරණ ශ්‍රී පාලියේ උගන්වමින් හිටියා.

සාමාන්‍ය පෙළ පන්තිවලදී?

සාමාන්‍ය පෙළ කරද්දී කහවල කියලා ටීචර් කෙනෙක් හිටියා.

උසස් පෙළ කරන්න එක ගුරුවරියකට පුළුවන් වුණාද?

ශාමිනී ටීචර් විවාහ වෙලා සිටියේ තඹුත්තේගම තැපැල් ස්ථානාධිපති සමඟ. තඹුත්තේගම නගරයේ එවකට තිබූ විශාලම ගොඩනැඟිල්ල තැපැල් කාර්යාල ගොඩනැඟිල්ලයි. ටීචර් පදිංචිව සිටියෙත් එහෙමයි. අපිට අමතර පන්ති තිබ්බෙත්, අපි පාඩම් කළෙත් විභාගෙ දවස්වල කෑවේ බිව්වෙත් ටීචර්ලාගෙ ගෙදරින්. ඇත්ත කියනවා නම් ඇය අපට වඩා උනන්දු වුණා.

අපට ඉඩ පහසුකම් ඇති ගෙයක් තිබුණේ නැහැ. ගෙදර කුප්පි ලාම්පුව පත්තු කළේ. ටීචර්ගෙ සහයෝගය ලොකු හයියක්  වුණා.

උසස් පෙළ එකවර සමත් වුණාද?

ඔව්... මම කිසිම විභාගයක් දෙවරක් කරලා නැහැ. උසස් පෙළ සමත් වුණා. පන්තියේ වෙන කිසිම ළමයෙක් විභාගෙ පාස් වුණේ නැහැ.

මේ කාලේ ඔබේ ගෙදර ආදායම් මාර්ග මොනවාද?

අප්පච්චි වාරිමාර්ග කම්කරුවෙක් හැටියට වැඩ කළේ. ඔහුගේ මාසික වැටුප මට මතක විදියට රුපියල් 420ක් විතර ඇති. එය තමයි මුදලක් හැටියට ගෙදරට ලැබුණේ.

කුඹුරු ගොවිතැන් කළේ නැද්ද?

අපි එච් කලාපෙ පදිංචි වුණාට අපට මුලින් මහවැලි ඉඩම් ලැබුණේ නැහැ. ඉඩම් ලැබුණෙ 1984දී තරම්.

ඔබත් කුඹුරු ගොවිතැනට සම්බන්ධ වුණාද?

ඔව්.. මම දක්ෂ ගොවියෙක්. මම පාසල් යද්දීම අප්පච්චි එක්ක කුඹුරු ගොවිතැන් කළා. ඊට අමතරව අපි හේන් ගොවිතැනත් කළා. ඔය දෙකම මට හොඳට හුරුයි.  අධ්‍යාපන කටයුතු කළේ ගොවිතැන් වැඩට මැදිහත් වෙමින්.

උසස් පෙළ ප්‍රතිඵල එනකොට මොකක්ද ඔබේ තත්ත්වය?

ඇත්තටම ප්‍රතිඵල නිකුත් වෙද්දි මම ගෙදර හිටියේ නැහැ. මම එතකොට ජනතා විමුක්ති පෙරමුණට සම්බන්ධ වෙලා පූර්ණකාලීනයකු ලෙස විප්ලවවාදී ව්‍යාපාරයේ  වැඩ කරන්න ගෙදරින් පිටවෙලා ගිහින්.

ඔබ ජනතා විමුක්ති පෙරමුණට සම්බන්ධ වුණේ කොයි අවුරුද්දෙද?

1987දී මම පක්ෂයට සම්බන්ධ වුණා.

ඒ කියන්නේ සාමාන්‍ය පෙළ පන්තියේ ඉගෙන ගනිද්දිද?

ඔව්...

ඔබේ ගෙදර තිබුණු දේශපාලන පසුබිම මොකක්ද?

එහෙම විශේෂ දේශපාලනයක් ගෙදර තිබුණේ නැහැ.

ඔබ මුලින්ම ශිෂ්‍ය ව්‍යාපාරයට සම්බන්ධ වුණා?

කොහොමත් පාසල් රැඩිකල් ශිෂ්‍ය කණ්ඩායමේ නායකයෙක් හැටියට මට පසුබිමක් තිබුණා. අපි පාසල් ජීවිතය ඇතුළේ සිදුවූ යම් යම් අසාධාරණයන්ට එරෙහිව නැඟී සිටියා.  අපිට ප්‍රමාණවත් ගුරුවරු නැති අවස්ථාවේ අපි අනුරාධපුර අධ්‍යාපන කාර්යාලය ඉදිරිපිට උද්ඝෝෂණයක් කළා. කොහොමත් සටන්කාමී නායකත්වයක් අපේ ඔළු  තුළ ගොඩනැඟී තිබුණා.

ඒක කොහොමද ජනතා විමුක්ති පෙරමුණ සමඟ සම්බන්ධ වෙන්නේ?

එප්පාවල, රාජාංගණය, ගල්නෑව වගේ අවට පළාත්වල මේ වෙනකොටත් ජනතා විමුක්ති පෙරමුණේ ශක්තිමත් සංවිධාන ජාලයක් ගොඩනැඟී තිබුණා. එහි ආස්වාදය තුළ අපි ජනතා විමුක්ති පෙරමුණේ ශිෂ්‍ය අංශය සමඟ එකතු වුණා.

ඔබ පළමුවෙන්ම රෝහණ විජේවීර දුටුවේ කවදාද?

1982 අවුරුද්දේ තඹුත්තේගම නගරයේ රෝහණ විජේවීර සහෝදරයාගේ ප්‍රධානත්වයෙන් ජනතා විමුක්ති  පෙරමුණේ රැස්වීමක් තිබුණා. ඒ රැස්වීමේ මුලසුන දැරුවෙත් අපේ ඉස්කෝලේ ගුරුවරයෙක්. ඒ රැස්වීම බලන්න අපේ මාමා කෙනෙක් ආව දේවහුව ඉඳන්. මම මාමාත් එක්ක රැස්වීම බලන්න ගියා. එතකොට මම හත වසරේ විතර හිටියෙ. විජේවීර සහෝදරයා පිළිබඳ මගේ මුල්ම මතකය එයයි.

ගෙදරින් දැන සිටියාද ඔබ පූර්ණකාලීන දේශපාලන කටයුතුවල නිරත වන බව?

ඔව්... අපේ නිවෙසේම මගේ ඥාති සහෝදරයෙක් සිටියා. ඔහු පක්ෂයේ වැඩ කළා. අපි දෙදෙනාම ෆුල් ටයිම් වැඩ කළා. මම ශිෂ්‍ය අංශයේ අනුරාධපුර දිස්ත්‍රික්කයේ වැඩ කරමින් සිටියේ.

1989 වෙද්දි දැවැන්ත භීෂණයකට ජනතා විමුක්ති පෙරමුණ ගොදුරු වුණා. ඔබ මුහුණ දුන් අත්දැකීම් කුමක්ද?

අපේ පවුලේ අය පදිංචිව සිටි නිවෙස ගිනි තැබුවා. අම්මත් අප්පච්චිත් තඹුත්තේගම අතහැර ගියා. ඒ වනවිට අක්කා විවාහ වී නිවෙසින් පිටව ගිහින් තිබුණේ.

අම්මත් අප්පච්චිත් කොහොමද ඒ කාලේ ජීවත් වුණේ?

මුල් කාලෙ පක්ෂයට සම්බන්ධකම් තිබූ උදවිය කැලෑ වැදුණා. පසුව අම්මලා අපේ මුල් ගම වූ ආඬියාගලට ගිහින් ඥාතියකුගේ නිවෙසේ ජීවත් වුණා.

ඔබත් සමඟ නිවෙසේ සිටි ඥාති සහෝදරයාට මොනවද සිදුවුණේ?

ඔහු අපේ පුංචි අම්මාගේ පුතා. අපේ ගෙදරමයි හැදුණේ. ඔහු අතුරුදන් වුණා. ඔහු ජීවතුන් අතර නැති බව අම්මලාට කියන්න හැකියාවක් මට තිබුණේ නැහැ. පුංචි අම්මලා අවුරුදු ගාණක්ම ඒ නැතිවුණු සහෝදරයාව සොයන්න වෙහෙසුණා. විවිධ පිළිවෙත් ඔස්සේ ගියා. දේවාල කෝවිල් ගාණේ බාර හාර වුණා. දැන් නම් අයියා නැති බව ඔවුන් දන්නවා.

ඔබ විශ්වවිද්‍යාලයට ඇතුළත් වුණේ කවදාද?

මගේ විශ්වවිද්‍යාල ප්‍රවේශයේ ලියකියවිලි පවා ලැබී තිබුණේ තඹුත්තේගම තැපැල් කන්තෝරුවේ ශාමිනී ටීචර්ලාගේ ගෙදරට. මට ඒ වකවානුවේ තඹුත්තේගම  නගරයට එන්න පුළුවන් තත්ත්වයක් තිබුණේ නැහැ.  ටීචර් තමයි මට ඒ කටයුතු කරගන්න උදවු කළේ. 1991 අවුරුද්දෙ මම පේරාදෙණියෙ විශ්වවිද්‍යාලයට ඇතුළත් වුණා. මාස කීපයයි හිටියේ.

එතැනින් එහාට අධ්‍යාපන කටයුතු කරගන්න පුළුවන් වාතාවරණයක් තිබුණද?

පේරාදෙණියෙ ඉන්න අසීරු තත්ත්වයක් ඇතිවුණා. ඉන්ජිනේරු පීඨයේ අවුරුද්දක කාලයක් හිටියා. ප්‍රශ්න මතුවුණා. 1991 අග හරියෙ කැලණිය විශ්වවිද්‍යාලයට ඇතුළත් වුණා. කැලණියට ඇතුළත් වුණාට පස්සේ අධ්‍යාපන කටයුතු කරගෙන යන්න අවකාශය ඇති වුණා.

විශ්වවිද්‍යාල ජීවිතය තුළදී දේශපාලන වැඩවලට තිබූ සම්බන්ධතාව කුමක්ද?

කෙටි කාලයක් සම්බන්ධතාවන් ගිලිහී  ගොස් තිබුණා. එයට හේතුව වුණේ පක්ෂයේ නායකත්ව කේඩරය සම්පූර්ණයෙන්ම විනාශ වීමත් ප්‍රාදේශීය මට්ටමේ නායකයන් වැඩි පිරිස මරණයට පත්වීමත් තවත් අය සිරගත වීමත් තුළ බිඳී විසිරී යෑමයි. 1992 අග හරියේ මට නැවැත ටෙරන්ස් කියන සහෝදරයා හමුවුණා. අපි නැවැත පක්ෂය ගොඩනැඟීම පිළිබඳව අපේ මට්ටමින් සාකච්ඡා ආරම්භ කළා. නමුත් අපි සුළු පිරිසක් අතර ගුළියක් හැටියටයි ඒ කටයුතු සිදු වුණේ.

මේ වෙනකොට ඔබේ මවුපියන් පදිංචිව සිටියේ කොහේද?

අප්පච්චිල නැවත තඹුත්තේගමට ඇවිදින් අපේ ගිනි තබා විනාශ කර දමාපු නිවෙස තිබූ ඉඩමෙම කුඩා කාමරයක් හදාගෙන එහි පදිංචිව සිටියා. තඹුත්තේගම රජයේ සමහර අංශ මා ගැන සෝදිසියෙන් සිටීමත් මර්දනයේ හස්තය තවදුරටත් ක්‍රියාත්මකව පැවතීමත් නිසා මට එහි යන්න පුළුවන්කමක් තිබුණේ නැහැ. මම පැමිණ යනවාට අප්පච්චිලා බිය වුණා. කොහොම වුණත් 1993දී මගේ අප්පච්චි නැති වුණා.

ඔබ අවමංගල්‍ය උළෙලට සහභාගි වුණාද?

මේ වෙනකොට සාමාන්‍ය නෑදෑ පිරිස් පවා සිතා සිටියේ මා ජීවතුන් අතර නැති බවයි. ඒ නිසා මම කොහොමත් තඹුත්තේගම ගියේ නැහැ.

ඔබ සරසවියෙන් පිටවුණේ?

1995දී මම කැලණිය සරසවියෙන් විද්‍යාවේදී උපාධිය ලබා පිටව ගියා. මේ වෙද්දී පක්‍ෂයේ දේශපාලන කටයුතු ක්‍රමයෙන් පුළුල්වෙමින් පැවතියා. මගේ සම්බන්ධතාව තිබුණේ ශිෂ්‍ය අංශය සමඟ. අපට විශාල දේශපාලන කාර්යභාරයක් පැවරී තිබුණේ නැහැ. අපි සමාජවාදී ශිෂ්‍ය සංගමය නැවත ගොඩනැඟීමේ කටයුතුවල නිරතව සිටියා.

උපාධිය ලබා සිටි ඔබ ඇයි රැකියාවක් සොයාගන්න තීරණය නොකළේ?

අති විශාල සංහාරයක් තුළින් අපේ සහෝදරවරු දහස් ගණනක් මරා දමා තිබුණා. අපේ ජීවිත කාලය තුළ අපට හමුවූ උදාර මිනිසුන් අප හැරගොස් තිබුණා. නමුත් ඔවුන්ගේ හදවත් තුළ තිබූ ප්‍රාර්ථනාවල උණුසුම අපේ සිත්වලින් පහව ගොස් තිබුණේ නැහැ. ඒ ප්‍රාර්ථනා සාක්‍ෂාත් කළ හැකි අලුත් ලෝකය ගොඩනැඟීම සඳහා අපි කැපවිය යුතුය කියන අධිෂ්ඨානය හිතේ තිබූ නිසා මම තීරණය කළා වෘත්තීය විප්ලවවාදියකු ලෙසම ජීවිතය ඉදිරියට ගෙන යා යුතුය කියා.

එවැනි තත්ත්වයක් යටතේ යළි ජනතා විමුක්ති පෙරමුණ ගොඩනැඟෙද්දී ඔබ කොතැනද ස්ථානගත වුණේ?

පක්‍ෂය ගොඩනැඟීමේ මූලික සංවිධාන ව්‍යුහයන්ට අපි ක්‍රමානකූලව එකතු වුණා. මම සමාජවාදී ශිෂ්‍ය අංශයේ දිගටම වැඩ කරගෙන ගියා. එදා ඉදිරියෙන් වැඩ කළ සහෝදරවරු පක්‍ෂය නැවත ගොඩනැඟීමේ අභිලාෂය අප තුළ ශක්තිමත් කළා.

1994දී ජනතා විමුක්ති පෙරමුණ මැතිවරණයට ඉදිරිපත් වීමට තීරණය කරද්දී ඔබ ඒ තීන්දු ගැනීමට සම්බන්ධ වුණේ කොයි ආකාරයටද?

එදා තීන්දු ගන්නා මට්ටමේ මගේ සම්බන්ධතාවක් තිබුණේ නැහැ. නමුත් පක්‍ෂය මැතිවරණයට ඉදිරිපත් වෙනවාය කියන තීරණය දැනගත්විට අපි මහත් ප්‍රබෝධයෙන්, ජවයෙන් හා අධිෂ්ඨානයෙන් ඊට කැප වුණා.

ජනතා විමුක්ති පෙරමුණේ තාවකාලික වැඩ කිරීමේ මධ්‍යස්ථානයකට ඔබ අනුගත වෙන්නේ කවදා සිටද?

1995න් පසුව ඒ කියන්නේ මැතිවරණයෙන් පස්සේ.

අනුර ජනතා විමුක්ති පෙරමුණේ පළමු මහජන වේදිකාවට නැග්ගේ කවදාද?

1994 අවුරුද්දේ කෑගල්ල දිස්ත්‍රික්කයේ අඟුරුවැල්ලේ පැවැති ප්‍රසිද්ධ රැස්වීමකයි මම පළමුවරට මහජනතාව අමතා දේශපාලන කතාවක් කළේ මහ මැතිවරණයේදී අපි මල් බඳුනෙන් ඡන්දයට ඉදිරිපත්ව සිටියේ.

ඔබ ප්‍රචාරක අංශයේ වැඩ කරන්න කැමැත්තෙන් හිටියද?

ඒක මෙහෙමයි. අපි පක්‍ෂය අපට පවරන ඕනෑම වැඩකටයුත්තක් කරන අධිෂ්ඨානයේ සිටියේ. එදා පක්‍ෂයේ වගකීම් දරපු සහෝදරවරු මට දැන්වුවා රැස්වීමෙ කතා කරන්න. මම කතා කළා.

බිහිසුණු මර්දනීය කාල පරිච්ඡේදයකින් පස්සෙ නැවත ජනතාව අතරට යෑමේදී ඒ දුෂ්කරතාව ඔබට දැණුනෙ කොහොමද?

නැවතත් වැඩ කරන්නට පටන් ගැනීමේදී අපට විශාල ආස්වාදයක් ඇතිවුණා. එක පැත්තකින් අපි ජීවතුන් අතර නැතැයි සිතා සිටි සහෝදරවරු මේ වැඩ කිරීම තුළ නැවත හමුවුණා. සතුරා විසින් මුලිනුපුටා දැමූ ව්‍යාපාරය නැවත ජීවමානව දකින්න ලැබීමම ඒ තුළ වැඩ කරන අපට මහත් ආස්වාදයක් ගෙන දුන්නා. ජනතාව අපට දක්වන ප්‍රතිචාර කෙබඳුද යන්න වැදගත් වුණේ නැහැ. සියල්ල යහපත් තැනට පත්කර ගන්නවාය කියන නොපසුබසිනා අධිෂ්ඨානයෙන් අපි වැඩ කරගෙන ගියා.

ඔබ සමාජවාදී ශිෂ්‍ය සංගමයේ ජාතික සංවිධායක වෙන්නේ කවදා සිටද?

පක්‍ෂ සම්මේලනයෙන් පස්සෙ මට ඒ වගකීම පැවරුණා.

ජනතා විමුක්ති පෙරමුණ වෙනුවෙන් ඔබ මැතිවරණයකට ප්‍රථමයෙන් ඉදිරිපත් වුණේ කවදාද?

1998 අවුරුද්දේ පළාත් සභා මැතිවරණයේදී මම මධ්‍යම පළාත් සභාව නියෝජනය කරමින් තරග කළා. නමුත් පළාත් සභාවට තේරී පත්වුණේ නැහැ.

මහ මැතිවරණයකට තරග කළේ කවදාද?

2000දී මම පාර්ලිමේන්තුවට ඇතුළු වුණා ජාතික ලැයිස්තු මන්ත්‍රිවරයකු හැටියට. 2004දී තමයි පළමු වරට පාර්ලිමේන්තු මැතිවරණයකට තරග කළේ.

වියළි කලාපයේ අතිශය සාමාන්‍ය ගොවියකුගේ පුතකු වූ ඔබ පාර්ලිමේන්තු මන්ත්‍රිවරයකු ලෙස සභාවේ අසුන් ගන්නව. මොකක්ද එදා ඇතිවූ හැඟීම?

ඇත්තටම මට කිසිම බරපතළ ලොකු හැඟීම් කිසිවක් තිබුණේ නැහැ. පක්‍ෂය වෙනුවෙන් මට පැවරුණු තවත් වගකීමක් මම ඉෂ්ට කරනවා කියන හැඟීම විතරයි දැනුණේ. මම මේක මට හැකි උපරිමයෙන් කරනවා කියන අධිෂ්ඨානය හිතේ තිබුණා.

පන්ති අරගලය තුළින් සමාජවාදී සමාජයක් උදෙසා තිබූ ඉලක්කය?

පක්‍ෂයට බලය අත්පත් කරගත යුතුය. ඒ සඳහා පක්‍ෂය ශක්තිවන්තව ගොඩනැඟිය යුතුය කියන ඉලක්කය අපේ හිත්වල තිබුණා. මට තිබූ එකම ප්‍රශ්නය මම පාර්ලිමේන්තුව තුළ මේ වගකීම ඉටුකර ගන්නේ කොහොමද කියන එක විතරයි.

ඔබ පාර්ලිමේන්තු කණ්ඩායමේ නායකයද?

නැහැ. 2008න් පස්සෙ තමා ජනතා විමුක්ති පෙරමුණේ පාර්ලිමේන්තු කණ්ඩායම් නායකයා වුණේ.

2001දී ජනතා විමුක්ති පෙරමුණ චන්ද්‍රිකා සමඟ පරිවාස ආණ්ඩුවකට යනවා. ඒ ඇයි?

ප්‍රධාන හේතුව තමයි ඒ වෙනකොට එල්.ටී.ටී.ඊ. සංවිධානය කටුනායක ගුවන්තොටට ප්‍රහාර එල්ල කර රට අරාජික තත්ත්වයකට ඇද දමමින් තිබුණා. ඒ වගේම පාර්ලිමේන්තුවට විශ්වාසභංගයක් ගෙනෙන සූදානමක් තිබුණා එක්සත් ජාතික පක්‍ෂය විසින්. එස්. බී. දිසානායක ඇතුළු කණ්ඩායම ශ්‍රී ල.නි.ප.ය අතහැර එ.ජා.ප.යට එකතු වුණා. ඔවුන් ආණ්ඩුවට විරුද්ධව විශ්වාසභංග යෝජනාවක් ගේන්න තීන්දු කළා.

ජනතා විමුක්ති පෙරමුණ කුමක්ද තීරණය කළේ?

අපට පක්‍ෂය හැටියට ඊට විරුද්ධවන්න තිබුණා. එක්කෝ පක්‍ෂ වන්න තිබුණා. නැතිනම් වෙන දෙයක් වෙන්න ඉඩහරින්න තිබුණා. මෙන්න මේ අවස්ථා තුනම ඒ මොහොතේ රටට කිසිවක් ගෙනෙන, ලබාදෙන දේවල් නෙවෙයි. ඒ වගේම අනෙක් පැත්තෙන් මේ විශ්වාසභංගය තුළින් අධිරාජ්‍යවාදී වැඩපිළිවෙළක් එක්සත් ජාතික පක්‍ෂය හරහා දියත් වෙමින් තිබුණා. මෙන්න මෙතැනදී ජනතා විමුක්ති පෙරමුණට කල්පනා කරන්න සිදුවුණා අපි කොහොමද අප ළඟ තිබෙන මන්ත්‍රි ධුර 10 යොදාගෙන යමක් රටට කරන්නෙ කියන කාරණය.

පරිවාස ආණ්ඩුව පිහිටුවූවා?

ඔව්. ඒක ලංකා ඉතිහාසෙ ඉතාම තීරණාත්මක සංසිද්ධියක්. අපි චන්ද්‍රිකා, මංගල ඇතුළු නායකයන් සමඟ සාකච්ඡා ගණනාවක් කළා. එහිදී යෝජනා තුනක් ආණ්ඩුවට ඉදිරිපත් කළා. පළමුවැන්න විශේෂයෙන් උතුරුමැද සහ තවත් පළාත් ගණනාවක ගොවීන් ගොවි ණය ගෙවා ගැනීමට නොහැකිව දිවි නසා ගන්නා ප්‍රශ්නයක් මතුවී තිබුණා. අපි ආණ්ඩුවට යෝජනඑහිදී යෝජනා තුනක් ආණ්ඩුවට ඉදිරිපත් කළා. පළමුවැන්න විශේෂයෙන් උතුරුමැද සහ තවත් පළාත් ගණනාවක ගොවීන් ගොවි ණය ගෙවා ගැනීමට නොහැකිව දිවි නසා ගන්න ප්‍රශ්නයක් මතුවී තිබුණා. අපි ආණ්ඩුවට යෝජනා කළා මේ ගොවි ණය කපා හැරිය යුතුයි. ඒකට ආණ්ඩුව එකඟ කරවා ගන්න හරිම අමාරු වුණා. අවම වශයෙන් රු:25,000කට අඩු ණය අහෝසි කර දමන තැනට ගෙනාවා.

දෙවැන්න මොකක්ද?

අපි යෝජනා කළ පරිවාස ආණ්ඩුවකට යනවා නම් අනිවාර්යයෙන්ම අමාත්‍ය මණ්ඩලය 20කට සීමා විය යුතුයි කියලා.

එකඟ වුණාද?

ඔව්. අසීරුවෙන් ජයගත්තා. අපි පරිවාස ආණඩුව සඳහා ඇමැති ධූර ගණන 20ට බැස්සුවා.

ආණ්ඩුව පිහිටුවල එක දවසකින් ඕක 21ක් වුණා නේද?

ඔව්, විජේපාල මෙන්ඩිස්ට කාර්යභාරයක් නැති ඇමැතිකමක් දීල ඇමැති ධූර ගණන 21ක් කළා. නමුත් පස්සෙ මංගල සමරවීර කැබිනට් ඇමැති ධූරය අතහැරල ඇමැති ධූර ගණන 20ක් බවට පත් කළා. පොරොන්දුව ඉෂ්ට කළා.

පරිවාස ආණ්ඩුවේ තුන්වැනි යෝජනාව කුමක් ද?

පරිවාස ආණ්ඩුවේ තුන්වැනි සහ වැදගත්ම යෝජනාව වූයේ 17 වැනි ව්‍යවස්ථා සංශෝධනය මගින් ස්වාධීන කොමිෂන් සභා ස්ථාපිත කිරීම. ඒ තුළින් විධායක බලය යම් සීමාවන් ඇති කිරීම. මෙහිදී චන්ද්‍රිකා බණ්ඩාරනායක මැතිනියට සිදුවුණා තමන්ගේ බලය සීමා කිරිම සඳහා වූ යෝජනාවලට අත්සන් කරන්න.

විධායක බලයෙන් අංශු මාත්‍රයක් හෝ අත්හැරීමට ඒ අවස්ථාවේ ජනපතිනිය එකඟවුණා ද?

ඒක මෙහෙමයි අවසන් අවස්ථාව දක්වා එක වගන්තියක් වෙනුවෙන් කතා කරමින් තමයි එකඟතා ගොඩනඟන්න සිදුවුණේ. ඒ තත්ත්වය නිසාම 17වැනි ව්‍යවස්ථාව සම්මත කර ගැනීම සඳහා අවසන් දිනයක් නියම කරන්න අපට සිදුවුණා. මට දිනය මතක නැහැ. අවසන් දිනයේ රාත්‍රි 10දක්වා පාර්ලිමේන්තුව රැස්වුණා අප තීන්දු කළ දිනය තුළම 17 වැනි සංශෝධනය සම්මත කර ගැනීමට.

එකඟතාව අනුව දිනය වෙනස් කළේ නැහැ?

ඔව්. දිනය පනින්න බැහැ. ශ්‍රී ල.නි.ප. බලය රැකගන්න අසීරු තැනක ජනපතිනිය හිටියේ. ඇය වරක් කියා තිබුණා මට ස්ථිරවම තියෙන්නේ මන්ත්‍රී ධූර 10යි කියා.

2004දී ශ්‍රී ල.නි.ප.ය සමඟ එක්ව ජනතා විමුක්ති පෙරමුණ මහ මැතිවරණය තරඟ වැදුණා?

ඔව් අපට පාර්ලිමේන්තුවේ ආසන 39ක් හිමි වුණා.

එය ඔබේ පක්ෂය ලැබූ බහුතර ආසන සංඛ්‍යාව එය ලැබුණේ හවුල නිසා?

එය සන්ධානය නිසා ලැබුණු බව ඇත්ත. නමුත් මනාප පළ කිරීමේදී ශ්‍රී ල.නි. පාක්ෂිකයෝ පවා ඡන්දය පාවිච්චි කළේ අපේ අපේක්ෂකයන්ට. සෑම තැනම වැඩිම මනාප ලැබුවේ ජනතා විමුක්ති පෙරමුණේ සහෝදරවරු.

සන්ධානයේ එකඟතාව උඩ අමාත්‍යාංශ බෙදන්න ගියාම හැල හැප්පීම් ඇති වුණා?

අපි අමාත්‍යාංශ තුනක් සහ එම අමාත්‍යාංශවල නියෝජ්‍ය ඇමැති ධූර ඉල්ලා සිටියා. අප ඉල්ලුවේ නිෂ්පාදනය ඉලක්ක කරගත් ක්ෂේත්‍ර. කෘෂිකර්ම, වාරිමාර්ග, පශු සම්පත්, කුඩා කර්මාන්ත, ජාතික උරුමයන්.

වාරිමාර්ග අමාත්‍යාංශයෙන් මහවැලිය ගැලෙව්වා?

ආරම්භයේදීම ප්‍රශ්නයක් ආවා. වාරිමාර්ග අමාත්‍යාංශය යටතේ තිබූ මහවැලිය ගලවලා මෛත්‍රීපාල සිරිසේන මහතාට දුන්නා. අපි තදින්ම ඊට විරුද්ධ වුණා.

සුනාමිය ජනතා විමුක්ති පෙරමුණටත් සුනාමියක් වුණාද?

සුනාමියෙන් සිංහල, දෙමළ, මුස්ලිම් හැම දෙනාම බැට කෑවා. අපි ආණ්ඩුවට වැඩ පිළිවෙළක් ඉදිරිපත් කළා. ජාතික ආපදාවක් ලෙස සළකා අපේ රටේ ජාතික සමගිය ගොඩනගන්න ඉතාම හොඳ අවස්ථාවක් ලෙස මෙය යොදා ගනිමු කියා. ශ්‍රී ල.නි.ප.යට ඒ මොහොතේ කිසිම වැඩ පිළිවෙළක් තිබුණේ නැහැ. රට ගොඩනගන්න.

කොටි සංවිධානය සුනාමි සහන මණ්ඩලය ගෙනාවා?

ඔවුන්ගේ අරමුණ වෙලා තිබුණේ එම කළාපය තුළ ඔවුන්ගේ නෛතික බලය තහවුරු කිරීම. 4:3 අනුපාතය ඔවුන් ඉදිරිපත් කර තිබුණා. විදෙස් මුදල් ලබා ගැනීමේ අයිතිය ඉල්ලා තිබුණා. රට යළි දෙකඩවීමේ අනතුර දෙසට තල්ලු වෙමින් පැවැතියා.

ජනතා විමුක්ති පෙරමුණ ජාතිවාදී අයුරින් මේ ප්‍රශ්නය දෙස බැලීම නිසා මෙහිදී වැරදි තීරණයක් ගත් බවට සමහරු චෝදනා කරනවා?

කොහෙත්ම නැහැ. අප එදා ගත් තීරණය හරි. 2004 ආණ්ඩුව හැදුවා. 2004 ජූනි ආණ්ඩුවෙන් එළියට ආවා. සිදුවීම් දෙකක්. හැබැයි දෙකේම අරමුණු එකයි.

හොඳයි ඇයි සන්ධානයට එකතු වුණේ?

2004 රනිල් වික්‍රමසිංහ මහතා සටන් විරාම ගිවිසුම ගහලා රට දෙකඩ කිරීම සඳහා පිඹුරුපත් සකස් කළා. අනිවාර්යයෙන්ම රනිල් වික්‍රමසිංහගේ ආණ්ඩුව වැට්ට විය යුතුයි කියන තීරණය සමග අපි ගැට ගැහී සිටියා. ඒ නිසා අපි ආණ්ඩුවට එකතු වුණා.

එහෙනම් මොකද ආණ්ඩුවෙන් ගියේ?

ඒ දෙකම සිදු වුණේ එකම අරමුණක දිගුවක් හැටියට. ආවෙත්, ගියෙත් රට ආරක්ෂා කිරීමේ මග හැරිය නොහැකි ජාතික වුවමනාව වෙනුවෙන්.

රෝහණ විජේවීර කිව්වෙ නිර්ධන පන්තියේ දේශපාලන ව්‍යාපාරය ධනපති පන්තියේ කිහිලිකරු‍වක් කරන්නේ නැහැ කියලායි?

අපි දේශපාලන මණ්ඩලය ඒ අවස්ථාවේ එළැඹ තිබූ තත්ත්වය පිළිබඳව දීර්ඝ වශයෙන් කතාකර ඒ මොහොතේ රටටත් පක්ෂයටත් වඩා හිතකර තීරණයකට එළැඹුණා. අප ඒ තීරණය නොඑළැඹෙන්න රට වෙනත් දිශානතියක් කරා තල්ලු වී යෑමේ අනතුර තිබුණා.

මේ තීන්දුව වැරැදි තීන්දුවක් ලෙස අද දකින්නේ නැද්ද?

එක්සත් ජාතික පක්ෂය සටන් විරාම ගිවිසුම හරහා අරමුණු කළ ඉලක්කය අනිවාර්යෙයෙන්ම පරාජය කළ යුතුව තිබුණා. ඒ සඳහා අප ගත යුතුව තිබූ එකම ක්‍රියාමාර්ගය ආණ්ඩුව සමඟ සන්ධාන ගතවීමද කියන කාරණය දේශපාලන මණ්ඩලය විසින් පසුව ආපසු හැරී බැලුවා. ඒ සඳහා තවත් පියවරයන් තිබුණා. ඒ දුෂ්කර පියවරයන් පිළිබඳ ගැඹුරු සැලකිල්ල යොමු නොකොට වඩා පහසු තීන්දුවට එළැඹීම වරදක් හැටියට අපි දැක්කා.

අපේ රට පාලනය කරන ප්‍රධාන ස්ථානය වූ කැබිනට් මණ්ඩලයේ ඔබ අසුන් ගත්තා. මට කියන්න මොකක්ද ප්‍රථමයෙන්ම ඔබට ඇතිවූ හැඟීම?

මේ රට මෙහෙයවන තීන්දු තීරණ ගන්නේ මේ ආකාරයටද කියන විමතිය හා තිගැස්මක් ඇති වුණා. මොන තරම් නිහීන ආකාරයට ඔවුන් නායකත්වයට වන්දිභට්ටකම් කරනවද කියන කාරණය ගැන මහා කනස්සල්ලක් ඇති වුණා.

ජනාධිපතිනිය අනෙකුත් අවස්ථාවල වගේම කැබිනට් මණ්ඩලයටත් ප්‍රමාද වී පැමිණියා ද?

ඔව් ඇය කැබිනට් මණ්ඩලයට පැමිණෙන්නේ නියමිත වේලාවට වඩා බොහෝ ප්‍රමාද වී, ඒක ඇගේ පුරුද්දක්. ඒ දිනවල එතුමිය ඇති කරන බැල්ලියක් අරලියගහ මන්දිරයේ සිටියා. චන්ද්‍රිකා බණ්ඩාරනායක කැබිනට් එකට එන්නට මිනිත්තු තුන හතරකට පෙර ඒ බැල්ල කැබිනට් එකට එනවා. එවිට කැබිනට් ඇමැතිවරු දන්නවා තව සුළු වෙලාවකින් ජනාධිපතිනිය පැමිණෙන බව. ඒ බැල්ලට මේ ඇමැතිවරු දක්වන ගෞරව සැලකිල්ල ඔළුව අතගාන විදිය, කඳ අතගාන විදිය, සුරතල් කරන්න වෑයම් කරන විදිය දැක්කම හිතුණා මොවුන් මොනතරම් නිවට නියාලු මිනිසුන් ද කියා. ඔවුන් මොනතරම් වන්දිභට්ටයන් පිරිසක්ද කියන කාරණය අපට මහා අප්‍රසන්න හැඟීමක් ඇති කළා.

ඔබ කියන්නේ කැබිනට් මණ්ඩලය තුළ රට වෙනුවෙන් ගන්නා තීන්දු ගැන වාද විවාද ඇති නොවන බවද?

කිසි ‍දිනෙක කැබිනට් මණ්ඩලයේ ජනාධිපති ගෙනෙන කැබිනට් පත්‍රිකාවක් ප්‍රතික්ෂේප වී තිබුණේ නැහැ. නමුත් අප සිටියදී ගෙනා පත්‍රිකා දෙකකට අපි විරුද්ධ වුණා. විදුලි බලය පෞද්ගලීකරණය කිරීමේ යෝජනාව ඉන් එකක්. අපි එයට විරුද්ධ වුණා. එය සංශෝධනය කරමින් ගෙනාවා. අපි දිගටම විරුද්ධ වුණා.

ඇයි එතුමිය ප්‍රමාද වෙන්නේ?

ඒක චන්ද්‍රිකාගේ ආවේණික ලක්ෂණයක් හැටියට මා දකින්නෙ.

රටේ මිනිස්සු අතර මතයක් තිබුණා ඇය කැබිනට් මණ්ඩලයට පැමිණෙන්නේ කුස්සි කැබිනට්ටුවේ තීන්දු තීරණ ගැනීමෙන් පසුව බව?

මම දන්න තරමින් චන්ද්‍රිකාට කුස්සි කැබිනට් එකක් තියෙන්න ඇති. නමුත් ඒකෙ ඇත්ත ඇමැතිවරු කවුරුවත් සිටියෙ නැහැ.

එනෙම් කවුද චන්ද්‍රිකාගේ කුස්සි කැබිනට් එකේ සිටියේ?

මනෝ තිත්තවැල්ල, බාලපටබැඳි, තාරා ද මැල් ඔය වගේ ගජ මිතුරන් පිරිසක්.

එතකොට මොනවද කැබිනට් එකේ වුණේ?

ඕපදූපවලට විශාල ලෙස කාලය වැය වුණා. කැබිනට් පත්‍රිකා ගැන කිසිම අධ්‍යයනයක් තිබුණේ නැහැ. ඔහේ උස්සන්නන් වාලේ ඇමැතිවරු අත උස්සනවා.

ඔය තත්ත්වය මේ රටේ ජනතාව දන්නේ නැහැනේ?

ඒක තමයි තිබෙන නරකම තත්ත්වය.

ලංකාව පාලනය වන‍්නේ කැබිනට් මණ්ඩලය තුළින් නොවේ කියාද ඔබ කියන්නේ?

අපේ රට පාලනය කරන්නේ කැබිනට් මණ්ඩලය තුළින් නොවේ. මේ විධායක ජනාධිපති ක්‍රමය තුළ ඉතාම කුඩා පිරිසක් අතට බලය සංකේන්ද්‍රණය වෙලා. අදත් එහෙමයි. ඒ කියන්නේ විධායක ජනාධිපති ක්‍රමය තුළ ජනතා බලය හීන කරලා කල්ලියක් අතට බලය පත්කරනවා.

අනාගත විධායක ජනාධිපතිවරයෙකු යටතේ මේ තත්ත්වය වෙනස් වෙයිද වෙනස් කළ හැකිද?

කොහෙත්ම වෙනස් වෙන්නෙත් නැහැ. වෙනස් කරන්නත් බැහැ. ඒ සඳහා විධායක ජනාධිපති ක්‍රමය වෙනස් කළ යුතුයි.

අග්‍රාමාත්‍යවරයා නම් කිරීමේ ප්‍රශ්නයේදී ජනතා විමුක්ති පෙරමුණ ජනාධිපතිනියට යොජනා කළේ ලක්ෂ්මන් කදිරගාමර් බව ඒ දිනවල වාර්තා වුණා?

අපේ රට ජන වාර්ගික යුද්ධයක් තියෙන රටක්. අපි ප්‍රශ්න ගාණක හිරවෙලා හිටියෙ. ජාත්‍යන්තර වශයෙන් රට වෙනුවෙන් සක්‍රීය නියෝජනයක් දක්වපු ඇමැතිවරයෙක් අගමැති ධූරයේ තැබීමේ සාධනීය  තත්ත්වයත් අපි දැක්කා. ඒ නිසයි ඒ යෝජනාව කළේ. නමුත් ශ්‍රී ලංකා නිදහස් පක්ෂය එය දැක්කේ කදිරගාමර් වැනි ඍජු දේශපාලන තලයේ කටයුතු නොකරන තැනැත්තෙකු මෙසේ ඉහළට දමන්න අප උත්සාහ කරන්නේ බිම අප විසින් අත්පත් කර ගැනීමේ වෑයමක් හැටියටයි. ශ්‍රී ල.නි.ප.යට බිම තහවුරු කර ගැනීම සඳහා සුදුස්සා ලෙසයි ඔවුන් මහින්ද රාජපක්ෂව දැක්කේ.

මහින්ද රාජපක්ෂව අගමැති දූරයට නම් කරණවාට ඔබේ පක්ෂය විරුද්ධත්වය පළ කළාද?

නෑ අපි විරුද්ධවුනේ නැහ. අපෙන් ඇහුවෙත් නෑ. අපි කදිරගාමර්ව යෝජනා කළා.

කදිරගාමර්, අනුර, මෛත්‍රීපාල සිරිසේන නම් ඔබේ යෝජනාවට පිළිවෙළින් ඇතුළත් කළාද?

නැහැ. අපි මා කලින් කී කරුණු මත පදනම්ව කදිරගාමර්ගේ නම ඉදිරිපත් කළා. එච්චරයි.

2005 දී ජනතා විමුක්ති පෙරමුණ තීරණය කරනවා මහින්ද රාජපක්ෂ බලයට ගේන්න?

2005 පැවැති සමස්ත දේශපාලන තත්ත්වයන් සමාලෝචනය කළ විට අප ඉදිරියේ ක්‍රියාමාර්ග තුනක් පැහැදිලි වුණා. පක්ෂය අපේක්ෂකයෙකු යොදවා තරගවැදීම, මැතිවරණයෙන් වැළැකී සිටීම, මහින්ද රාජපක්ෂට‍ සහයෝගය ලබාදීම, පක්ෂය තීරණය කළා මහින්ද රාජපක්ෂ බලයට ගෙන ඒමට මැදිහත් වන්න.

මහින්ද රජපක්ෂ බලයට ගෙන ඒම සම්බන්ධව අද මතය කුමක් ද?

2005දී මහින්ද බලයට ගෙන ඒමට ගත් තීරණය මා දකින්නේ 2004 අප ගත් තීරණයේම දිගුවක් හැටියටයි.

ජනාධිපතිවරණයේ ඔබේ පක්ෂය ඉදිරියෙන් සිටියා?

ඔව්, අපි තීන්දුවක් ගත්තා. වැඩ කළා. නමුත් අද ආණ්ඩුවේ ඉන්න ප්‍රබල ඇමැතිවරු වැඩි දෙනෙක් මහින්ද රාජපක්ෂ දිනවීම ගැන දෙපැත්තට වැනි වැනී හිටියේ.

මොකක්ද වැනෙන්න හේතුව?

හේතුව මේකයි. මහින්ද රාජපක්ෂ දිනුවොත්, ජනාධිපති වුණොත් මහින්ද මත සියල්ල තීරණය වෙනවා. පැරදුණොත් චන්ද්‍රිකා මත සියල්ල තීරණය වෙනවා. ඒ නිසා ඇමැතිවරු කෙළින් හිට ගත්තේ නැහැ. හොරගල් අහුලමින් සිටියේ. අද ඔය ජ්‍යෙෂ්ඨයෝ කියන ඇමැතිවරු එදා නාඩි අල්ල අල්ල හිටියේ. අපට 2005 ජනාධිපතිවරණයේදී ඔය ඇමැතිවරුන්ගෙන් දෙතුන් දෙනෙකුට වඩා හමුවුණේ නැහැ.

2005 ජනාධිපතිවරණයේදී මුහුණ දෙන අභියෝග ගැන කොළඹ ශ්‍රී ල.නි.ප. ක්‍රියාකාරීනට අරලියගහ මැදුරේ පවත්වපු රැස්වීමක මහින්ද ඩී. ඇස්.ට සමාන කරමින් ඔබ පැය දෙකක් කතා කළා?

ඔයා එතැන හිටියද (මහා හඬින් සිනාසෙමින්) ඔව් මම කතා කළා. ඩී. ඇස්. ගැන කිව්වෙ නැහැ. රනිල්ට වඩා පෞරුෂයක් මහින්දට තිබෙන බව කිව්වා.

ඔබේ පක්ෂය මහින්ද ගැන තිබ්බ බලාපොරොත්තු ඉටුවුණේ නැහැ කියන එකද අද කියන්නේ?

අපි මහින්ද සම්බන්ධව එහෙම විශාල බලාපොරොත්තු තිබ්බෙ නැහැ. අපිට තිබුණෙ ඉතාම සරල කාරණයක්. රනිල් ඒ වෙනකොට ඉදිරිපත් කර තිබූ වැඩ පිළිවෙළ පරාජය කිරීම. අපි එහෙම ලොකු බලාපොරොත්තු නොතිබ්බ නිසයි ඇමැතිකම් භාර නොගත්තෙත්.

ඔබ කියනවා එදා ඇමැතිකම් භාර ගත්තෙ නැහැ කියලා. ජනතා විමුක්ති පෙරමුණට ඇමැතිකම් දුන්නෙ නැහැ කියාත් මතයක් තියෙනවා. මොකක්ද ඇත්ත?

ඇමැතිකම් ගන්නවාද නැද්ද යන්න ගැන පක්ෂය ඇතුළෙ සංවාදයක් තිබුණා. ඒ සංවාදය මධ්‍යම කාරක සභාව පවත්වද්දි තමයි බැසිල් රාජපක්ෂ මට කතා කරල කිව්වේ අද ඇමැතිවරු දිවුරුම් දෙනවා කියලා. මායි අමරසිංහ සහෝදරයයි එතැනට ගියා.

ඇමැතිකම්වල දිවුරන්න ආරාධනා කර තිබුණේ නැහැනෙ?

නැහැ. අපි කල්පනා කරා ආරම්භයේදීම බෙදීමක් රටට පෙන්වීම සුදුසු නැහැ කියලා. ඒකයි ගියේ. අපි තීරණය කළා ආණ්ඩුවට ඇතුළු නොවෙන්න.

ජනතා විමුක්ති පෙරමුණ කැබිනට් එකට නොගන්න ආණ්ඩුව තීරණයක හිටියා වෙන්න බැරිද?

ඔව්, ජනාධිපතිවරයා හිතන්න ඇති ජනතා විමුක්ති පෙරමුණ ඇතුළට ගත්තොත් ඔහු අද යන ගමන යන්න ඔහුට නොලැබෙන බව. හිතුවක්කාරී තක්කඩි පාලනයක් ගෙන යන්න ඔහුට බැරි වෙන බව.

2007දී ආණ්ඩුව අය - වැයෙන් පරාජය කර පෙරළා දැමීමට අවස්ථාව ලැබුණු විට ඔබේ පක්ෂය එම අවස්ථාව මගහැරියා?

එක්සත් ජාතික පක්ෂය ස්වකීය හැකියාව මත ආණ්ඩුව පෙරළා දැම්මා නම් අපට ප්‍රශ්නයක් නැහැ. නමුත් අපට කිසිසේත් බැහැ එ.ජා.ප.ය බලයට ගෙන ඒම සඳහා මහින්දගේ ආණ්ඩුව පරාජය කිරීමට දායක වෙන්න. ඒ අනුව අපි තීරණය කළා එම අය - වැයට විරැද්ධව ඡන්දය දීමෙන් වැළැකී සිටීමට.

මේව බරපතළ දේශපාලනික සිදුවීම්?

ඔව්, දේශපාලනය සරල රේඛාවක ගමන් කරන්නේ නැහැ.

අද රට යන අත ගැන ජනතා විමුක්ති පෙරමුණ කරන විග්‍රහයට අනුව එදා වෙනස් තීන්දුවක් ගත්තා නම් තත්ත්වය මෙයට වඩා යහපත් වේ යැයි ඔබ හිතනව ද?

අපට තිබෙන්නේ මහින්ද රාජපක්ෂ ගැනවත් රාජපක්ෂ පවුල ගැනවත් ප්‍රශ්නයක් නොවෙයි. මේ ඇතිවී තිබෙන තත්ත්වයට මහින්ද රාජපක්ෂත් වගකිවයුතු බව ඇත්ත. ඒත් මේ තියෙන්නේ ඔහුගේ දුබලතාව මිස ඔහුගේ කැමැත්ත නොවේ. මේවා දුබල කඩාවැටුණු ධනපති ක්‍රමයේ ලක්ෂණ. ඊට විකල්ප නායකත්වයක් ගොඩනඟනවා මිස ඒ හා සමාන එකම කාසියේ දෙපැත්ත වැනි එක්සත් ජාතික පක්ෂයේ ආණ්ඩුවක් බලයට ගෙන ඒමට ජනතා විමුක්ති පෙරමුණ කිසිසේත් දායක වන්නේ නැහැ.

2010දී ඔයගොල්ලො ෆොන්සේකා සාටකයට නැඹුරු වුණා?

අපි අසූව දශකයේ තමා නිර්පාක්ෂික පොදු අපේක්ෂකයෙක් ජනාධිපති පදවියට ගෙනා යුතුයි කියන අදහස ඉදිරිපත් කළේ. සරත් ෆොන්සේකා නිර්පාක්ෂික අපේක්ෂකයා වශයෙන් ඉදිරිපත් වන බව ප්‍රකාශ වෙද්දී අපි ඒ වෙන්වෙන් සහයෝගය දෙන්න තීරණය කළා.

යුද්ධය අවසන් වූ හැටියේ සරත් ෆොන්සේකා හමුදාව ලක්ෂ 4ක් කරන්න යෝජනා කරලා නේද තිබුණේ?

ජනාධිපතිවරණයට එද්දි ඔහු තනි පුද්ගලයෙක්. පක්ෂයක් නැහැ. පාර්ලිමේන්තුවට වගකියයුතු වුණා. ඒ වෙද්දි ශ්‍රී ලංකා නිදහස් පක්ෂයත් විධායක ජනාධිපති ක්‍රමයට විරුද්ධව හිටියෙ. විධායක ජනාධිපති ක්‍රමය අවසන් කිරීමට අවස්ථාවක් අපේක්ෂා කළා.

ජනතා විමුකිත් පෙරමුණ චන්ද්‍රිකා බණ්ඩාරනායක සමගත් විධායක ජනාධිපති ක්‍රමය අවසන් කරන්න ගිවිසුමක් ගැහුවා?

ඔව්. නමුත් අපි දැන සිටියා ඇය එය නොකරන බව. ඒ නිසාම 1995 ජුනි 15 දිනම විධායක ජනාධිපති ක්‍රමය අවසන් කළ යුත් බවට ඇයගෙන් ලිඛිත ප්‍රතිඥාවක් ගත්තා. අපි කළේ එදා අපට තිබූ කුඩා ඡන්ද ප්‍රමාණය ඇය සමග කේවල් කිරීම, ඒ නිසාම ඇය පැලඳ සිටි ප්‍රජාතන්ත්‍රවාදී සළුපිළි සියල්ල උණා වැටුණා.

මේ රටේ විධායක ජනාධිපති පුටුවේ වාඩිවෙන කිසිවෙකු විධායක ජනාධිපති ක්‍රමය අහෝසි නොකරන බවද ඔබ කියන්නේ?

ධනපති ක්‍රමයට එය වෙනස් කරන්න කොහොත්ම බැහැ. මේ ක්‍රමය මාධ්‍යයට නිදහස දීලා පවත්වාගෙන යන්න බැහැ. මේ ක්‍රමයට ජනතාවට ප්‍රජාතන්ත්‍රවාදය දෙන්න බැහැ. අධිකරණයට ස්වාධිනත්වය දෙන්න බැහැ. මේ ක්‍රමයට ඇත්ත ජනතා නියෝජිතයන්ට බලය දීලා පාලනය කරන්න බැහැ. මේ ක්‍රමයට රට පාලනය කළ හැක්කේ කුඩා කල්ලියක් අතට බපය ගෙන පමණයි.

මහින්ද රාජපක්ෂ මහතා සමග විධායක ජනාධිපති ක්‍රමය අවසන් කිරීම පිළිබඳ 2005දී දින නියම කර ගත්තේ නැහැ නේද?

"ප්‍රථම ධූර කාලය අවසන් වීමට පෙර" කියා ඒ ගිවිසුමේ තිබුණා. 2005 ජනාධිපතිවරණය මේ රටේ විධායක ජනාධිපති ක්‍රමය යටතේ පවත්වන අවසන් මැතිවරණය ලෙසයි එදා සැලකුවේ.

විමල් වීරවංශ පද්ෂය හැරයෑම ඔබ දකින්නේ කොයි ආකාරයට ද?

සෝමවවංශ සහෝදරයා ඔහුට චෝදනා 7ක් ඉදිරිපත් කළා. පක්ෂ තීරණ ප්‍රතිපත්ති ක්‍රියාවට නගන්න අපොහොසත් වීම, පක්ෂයේ රහස්‍ය දේ පිටවීම, පක්ෂමතය ප්‍රකාශ කිරීමට දුර්වල වීම, දේශහිතෛෂී ජාතික ව්‍යාපාරය පක්ෂයේ වුවමනාවට පිටින් මෙහෙයවීම, මේ චෝදනාවලට ඔහු පිළිතුරු දිය යුතුව තිබුණා. ඒ සඳහා පක්ෂයේ විනය කමිටුව ඉදිරියට යා යුතුව තිබියදී ඔහු පක්ෂය අතහැර ගියා. එයින් ගම්‍ය වන්නේ වීරවංශ වැනි අයෙකුට වුවත් විනය පරීක්ෂණ පවත්වපු පක්ෂයක් ජනතා විමුක්ති පෙරමුණ. මේ සිදුවීම පක්ෂයේ ගුණාත්මක පියවරක්, නමුත් ජනතාව දැක්කේ එය පක්ෂයේ දෙදරායෑමක් හැටියටයි.

ඊළඟට පෙරටුගාමී කණ්ඩායම?

අපි දකින්නේ පක්ෂයේ පසුබෑමක් හැටියට. ඕනෑම විප්ලවවාදී පක්ෂයක් එවැනි තත්ත්වයකට මුහුණ දෙනවා. ඒ තත්ත්වයට වටහා ගන්න බැරි මුණාම වැරැදි විග්‍රහ නිගමනවලට එනවා. අපි මාක්ස්වාදී වුණා මදි, අපි පන්සලට ගියා වැඩියි, අම්මා තාත්තාට වැඳීම වැරැදියි. මේ වගේ නෂ්ටකම ප්‍රතිපත්ති ඕනෑම පක්ෂයක ඇති වෙන්න පුඵවන්. රාජපක්ෂ මහතා සමග එකමුතුව විප්ලවය කළ යුතුයි කියන වීරවංශ ප්‍රවණතාව වගේම කුඩා කුලකයක් තුළින් විප්ලවය මෙහෙව වීමට යෝජනා කරනා පෙරටුගාමී ප්‍රවණතාවත් වැරැදියි.

මේ තත්ත්වය පක්ෂයේ කේඩරයට බලපෑමක් නැද්ද?

සත්තකින්ම සැහැ. එය වනාහි සමාජයේ දෙගිඩියාවක් පමණයි.

උපුටාගැනීම මව්බිම ඉරිදා

Read More